Milli Marketinq Forumunun ikinci günü uğurla yekunlaşdı

"Bilik təcrübədə tamamlanır" şüarı ilə bu il IX dəfə keçirilən Milli Marketinq Forumu 29 iyun tarixində "offline" formatda uğurla yekunlaşıb.

"Facemark" və "Fil Agency" şirkətlərinin birgə təşkilatçılığı ilə həyata keçirilən forumun ikinci günü 3 panel və 17 spikerin iştirakı baş tutub.

Tədbir Azərbaycan Respublikası Milli Məclisinin deputatı Mahir Abbaszadənin açılış nitqi ilə başlayıb. Daha sonra Qaçqınların və Məcburi Köçkünlərin İşləri Üzrə Dövlət Komitəsinin sədrinin müşaviri Nəsimi Nərimanov, həmçinin forumun təsisçisi Rafiq Hunaltayın açılış nitqləri ilə davam edib.

Forum "Data və istehsalçı davranışı" ilə başlayıb. "Payriff" şirkətinin CEO-su Türkan Fərzəliyevanın moderatorluğu ilə baş tutan paneldə "AYES" şirkətinin direktoru Xəqani Səfərov, "Brandup" marketinq və dizayn agentliyinin təsisçisi Tamerlan İsmayılov və Azercell şirkətinin baş marketinq direktoru Mert Başar öz təcrübələrini paylaşaraq iştirakçılardan gələn sualları cavablandırıblar.

"Çevik marketinq strategiyaları" paneli PAŞA Kapital İnvestisiya şirkətinin marketinq rəhbəri Gülşən Cumayevanın moderatorluğu ilə keçirilib. "Coca-Cola" şirkətinin marketinq direktoru Emil Ələsgərov, "Marlab" şirkətinin təsisçisi Əli Bədəlov, "Synergy Partnership" şirkətinin təsisçisi, baş direktoru Rüfət Abbasov və TƏBİB-in ictimaiyyətlə əlaqələr və kommunikasiya departamentinin rəhbəri Zamirə Ədilova spiker qismində çıxış edərək marketinq strategiyaları, data və istehsalçı davranışı, rəqəmsal marketinq alətləri haqqında müzakirələr aparıblar.

"Rəqəmsal marketinq" paneli "New Media" və "Adviad" şirkətlərinin təsisçisi və baş direktoru Rasim Davudovun moderatorluğu ilə keçirilib. Panelin spikerləri - "Digital Hero" şirkətinin təsisçisi Babaxan Məlikli, "Gocreative GDDA" şirkətinin Bakı və İstanbul ofislərinin direktoru İslam Rızabəyli və Vətəndaşlara Xidmət və Sosial İnnovasiyalar üzrə Dövlət Agentliyinin İnnovasiyalar Mərkəzinin ictimaiyyətlə əlaqələr üzrə baş mütəxəssisi Nofəl Əliyev rəqəmsal dünyanın ən son yeniliklərindən, rəqəmsal marketinq alətlərindən danışıblar.

Həmçinin "Endorphin" şirkətinin təsisçisi Orxan Kərimov, "Mirros" psixoloji mərkəzinin psixoloqu Xanım Həsənova və "Argus Growth Agency"nin təsisçisi Bora Alçı tədbir zamanı keynote spiker qismində çıxış ediblər.

Qeyd edək ki, tədbir 30 iyun tarixlərində "Baku Marriott Hotel Boulevard"da offline formatda davam edəcək.

Milli Marketinq Forumuna bilet əldə etmək və tədbirlə bağlı ətraflı məlumat əldə etmək üçün forumun rəsmi saytına (https://millimarketinqforumu.az/) keçid edə və sosial media hesablarımızı izləyə bilərsiniz.

Facebook: https://www.facebook.com/MilliMarketinqForumu

İnstaqram: https://www.instagram.com/milli_marketinq_forumu/

Linkedln: https://www.linkedin.com/company/milli-marketinq-forumu/