Yaponiyada helikopter radarlardan itdi

Yaponiyanın Xilasetmə Xidmətinin helikopteri Tsuşima adası yaxınlığında, Yapon dənizində radarlardan itib.

Bu barədə Oxu.Az NHK telekanalına istinadla xəbər verir.

Helikopterlə əlaqə onun eniş etməli olduğu aeroportdan 10 kilometr aralıda itib.

Bildirilir ki, altı ekipaj üzvündən üçü tapılaraq xəstəxanaya yerləşdirilib, daha üçünün axtarışları davam edir.