Tətil üçün Türkiyəyə gələn Avropa gözəli faciəli şəkildə öldü

Bayram tətili üçün Türkiyənin Giresun bölgəsinə gələn 27 yaşlı model Güler Erdoğan faciəli şəkildə həyatını itirib.

Bu barədə Oxu.Az "Haber Global"a istinadən xəbər verir.

Məlumata görə, Güler Erdoğan Hacı Hüseyn məhəlləsi, Qara dəniz sahil yolunda hərəkətsiz halda digər sürücülər tərəfindən tapılıb.

Hadisə yerinə polis və həkim qrupları cəlb edilib və modelin həyatını itirdiyi müəyyən edilib.

İddiaya görə, o, gecə saatlarında avtomobili ilə əyləncə məkanından çıxıb. Giresundakı polis nəzarət məntəqəsində yoxlama zamanı Güler Erdoğanın sərxoş olduğu müəyyən edilib. Bu zaman o, avtomobilini ataraq piyada şəkildə qaçıb. Üst keçidlə qaçdığı zaman yola yıxılıb və ağır yaralanıb.

Digər bir iddiaya görə, Güler Erdoğan piyada olaraq yoldan keçərkən onu avtomobil vurub və o, hadisə yerində ölüb.

Gənc qızın "Miss Europe Kosovo" tituluna sahib olduğu və model agentliyində çalışdığı məlum olub. Güler Erdoğanın həmçinin psixoloji problemlərinin olduğu və daha əvvəl intihara cəhd etdiyi də məlum olub.

Hadisə ilə bağlı araşdırmalara başlanılıb.