TikTok-dan sonra ABŞ da DeepSeek-i qaralayıb!

Yanvar ayında sensasiyalı debüt edən DeepSeek qısa müddətdə geniş auditoriyaya çatdıqdan sonra Çinin süni intellekt baxımından Amerikadan geri qalmadığını göstərmişdi. Texnologiya sənayesində ciddi pozulma yaradan DeepSeek indi demək olar ki, Qərbdəki rəqibləri qədər məşhurdur. Çin mənşəli proqramların Amerikada geniş yayılmasını istəməyən ABŞ rəhbərliyi TikTokdan sonra DeepSeek-i qadağan etməyi düşünür.

The New York Times qəzetinin yazdığına görə, DeepSeek hazırda Tramp administrasiyasının radarındadır. Tramp administrasiyası DeepSeek-in öz yerli texnologiyalarına rəqib olmasının qarşısını almaq üçün müxtəlif cəzalar tətbiq etməyə hazırlaşır, həmçinin DeepSeek-in ABŞ-da istifadəsini tamamilə qadağan etmək imkanını nəzərdən keçirir. DeepSeek-in qadağan edilməsi üçün zəmin artıq hazırlanır.  ABŞ Nümayəndələr Palatasının bir komitəsi bu həftə hesabat yayaraq DeepSeek-i həm amerikalıların məlumatlarını Çin hökumətinə təqdim etməkdə, həm də Çin Kommunist Partiyasının təbliğatını yaymaq üçün insanlara yalan məlumat verməkdə ittiham edib.

Həmçinin şirkətin öz süni intellektini yaratmaq üçün qeyri-qanuni olaraq ABŞ istehsalı olan süni intellekt əldə etdiyi və ondan istifadə etdiyi iddia edilib. Xatırlayırsınızsa, TikTok qadağasından bir qədər əvvəl çox oxşar ittihamlar və hesabatlar görmüşdük. Tramp hökumətinin gündəmində olan qadağa ABŞdan kənarda yaşayanlar üçün o qədər də əhəmiyyət kəsb etməsə də, DeepSeek-in gələcəyi üçün böyük əhəmiyyət kəsb edir. Çünki ABŞ kimi böyük bir bazarı itirmək DeepSeek-in rəqabətədavamlı qalmasını xeyli çətinləşdirə bilər.

TikTok-dan sonra ABŞ da DeepSeek-i qaralayıb! xəbəri ilk olaraq Tedroid saytında yayımlanmışdır. Əsl mənbə bu saytdır.