SOCAR və "Union Energy" şirkəti arasında Anlaşma Memorandumu imzalanıb

"İsrailə işgüzar səfər çərçivəsində Azərbaycan Dövlət Neft Şirkəti (SOCAR) və "Union Energy" şirkəti arasında İsrailin Eksklüziv İqtisadi Zonasında (EEZ) birgə kəşfiyyat işlərinin aparılması üzrə Anlaşma Memorandumu imzalanıb".

Oxu.Az xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Sənədin icrası tərəflərin beynəlxalq əməkdaşlıq şəbəkəsinin genişləndirilməsinə və yeni enerji ehtiyatlarına çıxışına təkan verəcək.

İsrailə işgüzar səfərimiz çərçivəsində #SOCAR (@SOCARofficial) və "Union Energy" şirkəti arasında İsrailin Eksklüziv İqtisadi Zonasında (EEZ) birgə kəşfiyyat işlərinin aparılması üzrə #AnlaşmaMemorandumu imzalandı.
Sənədin icrası tərəflərin beynəlxalq əməkdaşlıq şəbəkəsinin… pic.twitter.com/WUkskSQg36