Shopify yeni vakansiya açmamış süni intellekt-ə şans verəcək!

Süni intellektin gələcəkdə insanların bir çox peşəsini əlindən alması qaçınılmaz sonlardan biri olacaq. Belə ki, artıq indidən Shopify, yeni vakansiya elan etmədən əvvəl süni intellekt ilə həmin işlərin yerinə yetirilib-yetirilməyəcəyini yoxlayacaq.

Shopify CEO-su Tobi Lütke bu yaxınlarda komandaya göndərdiyi notla diqqət çəkib. “Yeni birini işə götürürsən?” Sualı dinləməzdən əvvəl komandalar bu suala dəqiq cavab verməlidirlər: Nə üçün biz bu işi süni intellektlə idarə edə bilmirik? Mənbələrə görə, bu mesaj əslində keçən ayın sonunda işçilərlə paylaşılan şirkən daxili məktubdan gəlib. Lütkenin qeydi aşağıdakı ifadələrə diqqət çəkib: “Bu sahədə avtonom AI agentləri komanda üzvləri olsaydı, işlər necə görünərdi? Bu sual çox maraqlı müzakirələrə və layihələrə səbəb ola bilər.”

Sözügedən qeyddə, Shopify-da süni intellekt-in istifadəsinin indi bir refleksə çevrilməsinin gözlənildiyi açıq şəkildə ifadə edilib. Lütke, süni intellektin karyerasında gördüyü iş tərzində ən sürətli dəyişikliyi gətirdiyini vurğulayıb. O, həmçinin qeydlərində süni intellektdən səmərəli istifadənin yalnız təcrübə və davamlı təcrübə ilə öyrənilə bilən bir bacarıq olduğunu da paylaşıb. Qeyd edək ki, Lütke, artıq Shopify işçilərinin süni intellektdən səmərəli istifadə etməsinin şirkət daxilində əsas tələbə çevrildiyini bildirib. Bununla əlaqədar olaraq o, süni intellektin istifadəsi ilə bağlı sualların performansın qiymətləndirilməsi proseslərinə və komandadaxili rəy sorğularına əlavə ediləcəyini açıqlayıb. O, həmçinin bildirib ki, “Uğur əldə etmək üçün bizə lazım olan odur ki, hamımız öz istedadlarımızı və fədakarlığımızı AI ilə effektiv şəkildə birləşdirək və ondan satıcılarımızın xeyrinə istifadə edək”.

Shopify yeni vakansiya açmamış süni intellekt-ə şans verəcək! xəbəri ilk olaraq Tedroid saytında yayımlanmışdır. Əsl mənbə bu saytdır.