"Red Wings" aviaşirkəti Moskva və Bakı arasında müntəzəm uçuşları bərpa edir

Rusiyanın "Red Wings" aviaşirkəti Moskvada Jukovski hava limanından Bakıya birbaşa müntəzəm uçuşları bərpa edəcək.

Oxu.Az-ın məlumatına görə, bu barədə aviadaşıyıcının Mətbuat Xidməti məlumat verib.

Bildirilib ki, ilk uçuş 2025-ci il aprelin 27-də planlaşdırılır.

Uçuşlar həftədə iki dəfə - çərşənbə və bazar günləri həyata keçiriləcək, uçuş - saat 16:20-də (yerli vaxtla), geri dönüş uçuşu - saat 21:40-da (yerli vaxtla) nəzərdə tutulub.

Uçuş müddəti təxminən üç saat yarım təşkil edəcək.