"Real Madrid"in Kilian Mbappeyə ödədiyi məbləğ bəlli olub

Kilian Mbappenin "Real Madrid"ə transferinin maliyyə detalları məlum olub.

Oxu.Az "El Nacional" nəşrinə istinadən xəbər verir ki, "Kral" klubu bu yaxınlarda fransız forvarda 117 milyon avro + illik əməkhaqqı məbləğində imza bonusu ödəyib.

Qeyd edək ki, Mbappe ötən yay Madrid klubuna qoşulub. Forvard cari mövsümdə bütün yarışlarda 39 matçda iştirak edib, 27 qol vurub və 4 məhsuldar ötürmə edib. Onun "Real Madrid"lə müqaviləsinin müddəti 2029-cu ilin yayında başa çatır.