"Liverpul" Məhəmməd Salahın bütün şərtlərini qəbul edəcək

"Liverpul"un hücumçusu Məhəmməd Salah klubu ilə müqaviləsini uzatmağa yaxındır.

Oxu.Az "Footmercato"ya istinadən xəbər verir ki, misirli hücumçu tezliklə "Liverpul"la müqaviləsini iki il müddətinə uzadacaq.

Klub rəhbərliyi güzəştə gedərək futbolçunun maaş tələbini təmin edəcək.

Qeyd edək ki, Salah bu mövsüm bütün turnirlərdə 43 matçda meydana çıxaraq 32 qol vurub və 22 məhsuldar ötürmə edib.