Jirinovskinin "X" hesabı "dirildi": Sirli bəyanat paylaşıldı

Rusiya Liberal Demokrat Partiyasının qurucusu Vladimir Jirinovskinin "X" sosial şəbəkəsindəki hesabında gözlənilmədən mesaj paylaşılıb. İsmarışda bildirilib ki, yaxın zamanda hadisələrin gedişatını dəyişəcək bir olay baş verəcək.

Oxu.Az-ın məlumatına görə, paylaşımda gözlənilən dəyişikliyin təfərrüatları açıqlanmır.

"Bir çoxları şok olacaq. Gözləyin", - deyə mesajda qeyd edilir.

Paylaşıma qaranlıq bir siluet şəkli əlavə edilib. Ehtimal ki, bu, Jirinovskinin özünün əksi ola bilər.

Qeyd edək ki, siyasətçinin hesabında əvvəlki mesaj 2023-cü ilin iyun ayında paylaşılmışdı. Həmin mesajda naməlum şəxslərin RLDP-nin "X"dəki hesabına giriş əldə etdiyi bildirilirdi.