İsrail Qəzzada yerüstü manevrləri genişləndirib

İsrail Müdafiə Ordusu (SAXAL) Qəzza zolağının şimalında və cənubunda yerüstü manevrlərini genişləndirib.

Bu barədə Oxu.Az "Walla" xəbər portalına istinadla xəbər verir.

Bildirilib ki, SAXAL Beyt-Hanunda, Beyt-Lahiyada, Rəfahda və Moraqda əlavə ərazilər ələ keçirib.

İsrail Hərbi Hava Qüvvələri və artilleriya batareyaları zərbələr endirmək məqsədilə gecə boyu fəaliyyət göstəriblər.

Xatırladaq ki, martın 18-də İsrail ordusu Qəzza zolağında döyüş əməliyyatlarını bərpa edərək, anklavı kütləvi zərbələrə məruz qoyub və bununla da yanvarda müəyyən edilmiş atəşkəs rejimini pozub. Baş nazir Benyamin Netanyahunun ofisi bunu HƏMAS-ın vasitəçilər və ABŞ prezidentinin xüsusi nümayəndəsi Stiven Uitkoff tərəfindən danışıqlarda irəli sürülən təklifləri rədd etməsi ilə izah edib və əməliyyatın məqsədinin bütün girovların azad edilməsi olduğunu bildirib.