İran səfiri "3+3" formatından danışıb: "Sülhə nail olmaq üçün istifadə edilə bilər"

Azərbaycanla Ermənistan arasında sülhə nail olmaq üçün "3+3" regional formatından istifadə edilə bilər.

Oxu.Az "Sputnik Ermənistan"a istinadən xəbər verir ki, bunu İranın Ermənistandakı səfiri Mehdi Sobhani deyib.

"İran həm Ermənistan, həm də Azərbaycanla təmasdadır və sərhəddə sabitlik və sülhün tərəfdarıdır", - deyə o bildirib.

Diplomatın sözlərinə görə, İran hakimiyyəti sülhə nail olmaq üçün tərəflərin təklif etdiyi istənilən formatı dəstəkləməyə hazırdır.

M.Sobhani əlavə edib ki, region yeni gərginliyə və ya müharibəyə tab gətirə bilməz.