İmtiyazlı şəxsin "Məzun evi"ndə yaşayan keçmiş xanımı sakinləri narahat edir? - AÇIQLAMA

"Məzun evi"nin sosial xidmət müəssisəsinin bir qrup sakini ilə özlərinin şikayəti əsasında profilaktik söhbət aparılıb.

Oxu.Az xəbər verir ki, bu barədə Sosial Xidmətlər Agentliyinin mətbuat katibi Murad Həşimov bildirib.

"Bu gün Sosial Xidmətlər Agentliyinin "Məzun evi"nin sosial xidmət müəssisəsinin bir qrup sakini Agentliyə müraciət edib. Onlar müəssisənin digər bir qadın sakininin davranışlarından narazı olduqlarını, müəssisədə aşayişi pozmağa yönələn hərəkətlər etdiyini bildirərək onun "Məzun evi"ndən çıxarılmasını xahiş ediblər.

Həmin xanım da ondan şikayət edənlərlə bağlı eyni narazılığı ifadə edib.

Sözügedən məsələ ilə bağlı müraciət edən vətəndaşlarla profilaktik söhbət aparılıb və onlara müvafiq izahat verilib.

Qeyd edək ki, barəsində narazılığı ifadə olunan qadın "Məzun evi"ndə mənzillə təmin edilmiş imtiyazlı şəxsin həyat yoldaşı olub. Bir müddət əvvəl nikahları pozulub və əri mənzili tərk edən qadın hazırda həmin mənzildə üç övladı ilə birgə yaşayır", - deyə məlumatda bildirilib.