Azərbaycan millisi FIFA reytinqində iki pillə gerilədi

Fernandu Santuşun baş məşqçisi olduğu Azərbaycan yığması FIFA reytinqində iki pillə geriləyib.

Oxu.Az xəbər verir ki, millimiz hazırda 1160 xalla 119-cudur.

Buna yığma komandamızın beynəlxalq yoldaşlıq oyunlarında Haiti (0:3) və Belarusa (0:2) uduzması səbəb olub.

Qeyd edək ki, son dünya çempionu Argentina (1886.16) birinci pillədə qərarlaşıb. Bir mövqe irəliləyən İspaniya (1854.64) ikincidir. Azərbaycan yığmasının DÇ-2026-nın seçmə mərhələsindəki rəqiblərindən Fransa (1852.71) üçüncü sıraya düşüb. Ukrayna (1559.81) 25-ci yerdə qalıbsa, dörd pillə geriləyən İslandiya (1336.55) 74-cüdür.