Antonio Konte: "Həyat yoldaşınızı yanlış seçə bilərsiniz, hücumçu və qapıçını isə yox"

"Napoli" klubunun təcrübəli baş məşqçisi Antonio Konte verdiyi açıqlama ilə İtaliya mediasında diqqət mərkəzinə düşüb.

Oxu.Az "La Gazeta" nəşrinə istinadən xəbər verir ki, təcrübəli baş məşqçi futbolçu seçimində xətaya yer olmadığını bildirib.

"Futbol elə bir idman növüdür ki, azarkeşlər səhvi bağışlamırlar və səni edam edirlər. Həyat yoldaşını yanlış seçə bilərsiniz, amma hücumçu və qapıçını yox. Bu səhvlərdən cavabdeh olan sizsiniz və hər şeyi nəzərə alaraq bu keçidləri etməlisiniz", - deyə A.Konte bildirib.