ABŞ-nin yeni rüsumları logistikanın əhəmiyyətli hissəsini Türkiyəyə yönəldəcək

"ABŞ-nin yeni gömrük siyasəti Türkiyəyə beynəlxalq tədarük zəncirinin əhəmiyyətli hissəsini özünə cəlb etməyə imkan verəcək".

Oxu.Az xəbər verir ki, bunu Ankaranın maliyyə sektorundakı mənbə TASS ilə söhbəti zamanı deyib.

Onun sözlərinə görə, ABŞ administrasiyasının bu cür addımları logistikaya, beynəlxalq tədarük zəncirinə təsir göstərəcək:

"Tədarük zəncirinin əhəmiyyətli hissəsi Türkiyəyə yönələcək. ABŞ-nin daha yüksək rüsumlar tətbiq etdiyi ölkələr Türkiyə kimi azad ticarət haqqında sazişləri olan dövlətlər vasitəsilə ticarət aparmağa can atacaqlar. Çünki Türkiyəyə ABŞ tərəfindən minimum - 10 faizlik tarif tətbiq edilib".