4 yaşlı Uğur xəstəxanada vurulan iynədən sonra iflic olub?

Valideyn vurulan qızdırma iynəsindən övladının iflic olduğunu iddia edir.

Oxu.Az Xəzər TV-yə istinadən məlumat verir ki, 4 yaşlı Uğur Xankişiyevin valideyninin sözlərinə görə, uşağın qızdırması qalxdığı üçün təcili tibbi yardım çağırıb. Gələn həkimlər Uğuru Yasamalda Uşaq Klinik Xəstəxanasına aparıblar. 3 gündən sonra evə buraxılacağı deyilən azyaşlının vəziyyəti vurulan iynədən sonra pisləşib.

Valideyn iddia edir ki, uşağın yaxşı olmadığını həkimə 3 dəfə bildirsə də, ona bunun normal hal olduğu deyilib.

Onun iddiasına görə, övladı başqa xəstəxanaya köçürülən zaman isə onlara təcili tibbi yardım maşınının olmadığı deyilib.

Məsələ ilə bağlı Uşaq Klinik Xəstəxanasının Reanimasiya şöbəsinin müdiri Ülviyyə Xəlilovanın sözlərinə görə, valideynin iddiaları ilə bağlı araşdırma aparılır.

Uşağın taksi ilə aparılması iddiasına cavab olaraq isə bildirilib ki, bu, valideynin öz istəyi ilə olub.

Ətraflı süjetdə: